22. novembur 2010

Í Miðvági halda Davidsen hestar til.
Her er ein stallur til 16 hestar (vinstrumegin) og 4 standa í bygninginum við síðuna av (til høgru). Hestarnir eru á beiti um summarið og unghestar eru í haganum. Á beiti fáa hestarnir eisini sligið græs, soleiðis at teir kunnu standa longri á sama stykki. Teir standa á einum stórum stykki, har tað ikki er neyðugt at taka hestaperur upp. Hestarnir standa inni frá mitt oktobur til 1.mai.
Tøini verða lagt uttanfyri, har øll kunnu koma og taka (gott til havan!). Tað er betri um tað hevur ligið upp í eitt ár, tá koma eisini sílfiskarar eftir ormum. Annars hevur Henke brúkt tøini saman við gomlum jarn og betong til at planera við.
Her eru hestar í øllum aldrum og tað kostar 1200 kr. um mánaðin at hava hest standandi her.
Fóðrað verður við vátum og turrum  hoyggji úr ballum. Teir fáa 3 ferðir um dagin; morgun, eftirmiddag og á midnátt. Eisini kunnu teir fáa sligið græs ella frukt og grønt. Her verður brúkt føroyskt hoyggj, sum Henge hoyggjar sjálvur og tað er bíligari enn at keypa aðrastaðni frá. Henge fær gjarna alt hoyggj í hús áðrenn Òlavsøku.
Sonur Henge fæst við at skógva og har kann ganga upp til 10 vikur ímilum skógvingarnar. Annars heldur Henge tað hevði verið betri ikki at skógva, tí tað oyðileggur hógvarnar, men tað kann vera ringt at klára seg uttan tá riðið verður á asfalt og til gongulagkappingar.
Ígjár var Henge úti at ríða fyri fyrstu ferð á einum unghesti hjá sær. Hetta gekk soleiðis fyri seg, at hann legði saðil og boksl á hann og tók hann við sum hondhest saman við einum av ríðihestunum hjá sær. Tá komið var heim aftur, setti hann seg upp á unghestinum og fór beinanvegin avstað við hinum hestinum sum hondhestur. Ríðihesturin kann stýrast við røddini og unghesturin fylgir enn einaferð við, men við ryttara á. Einigin dramatikkur og ongar trupulleikar.
Hestarnir verða um veturin brúkt til ríðiskúla sunnudagar og annars eru nakrar fittar gentur, ið taka onkrar hestar út ein túr hinar dagarnar. Teir koma soleiðis út fleiri ferðir um vikuna.

7 ára greiðingurin hjá henge er akkurát gjeldur og nú fer ein ungur myrkabrúnur greðingur at taka yvir.

Her er ætlanin at byggja eitt størri hús, men ikki til hestarnir. Tó hevur Vága ríðingafelag planir um at byggja eina ríðihøll, við plássi til hestar eisini, so har verður betri møguleika at hava hest í Vágunum.
Her er Henge í ryttarastovuni. Hann hevur í 25 ár verið í Vága Ríðingafelag og tey hava higartil samlað knappa eina million krónur inn til felagið. 300.000 varð brúkt á ríðibana og nú verður vónandi skjótt eina høll eisini.
Nú eg var i Vágunum mátti eg frætta um Henge visti nakað um Brandur (Gullbrandur) hjá mær, tí eg havi hoyrt hann var haðani frá. Eg fekk at vita, at familjan hjá Henge, áðrenn hann  beginnti við íslendskum hestum, hevði 3 ryssur, sum allar itu Branda og tey ólu eitt blandað hestaslag og fingu 3 fyl um árið og vóru tey mest sum altíð gul við svørtum beinum. Ryssurnar eru deyðar, tann síðsta fyri fáum árum síðani, langt yvir 20 ár gomul. Jú, hetta kann ljóða sum upprunað hjá Brandi, havi altíð hugsað um, hvat slag hann man vera 🙂....