Um hesturin roynir at umganga, at tú situr upp, illa vil ganga ella gumpar, kann orsøkin vera, at saðilin ikki passar. Tað kann eisini vísa seg í stuttum ella ólíkum rørslum. Tá saðilin ikki passar, kann hesturin blíva eymur í rygg og økslum og fáa skaða. Men hvussu veitst tú, saðilin passar hestinum?

Fyrst mást tú finna punktini í kropsbygnaðinum hjá hestinum, ið hevur týdning fyri saðiltilpassing:

1. AKSLAN - saðillega byrjar tveir fingrar aftanfyri aksluni ella har, sum akslan er, tá beinið er lyft fram og upp

2. síðsta rivjabeinið - sagillegan endar her. Punktið kann finnast við eina beina linju har frá, sum hárlagið frá ryggi og lendum møtast og upp á ryggin, ella frá eini beina linju frá síðstu rivjabeinið upp á ryggin og 8 cm móti høvdinum.

3. breidd á rygginum - skal svara til breiddin á kamarinum á saðlinum

Tá saðilin liggur á hestinum, kannast:

1. kopfjarn - vinkulin skal passa hestinum. Herundir sæst dømi.

2. saðilin skal liggja inn til hestin frammi og undir - saðilin skal vera beinur ella hava svaggj, eftir hestinum. Er luft onkurstaðni millum rygg og saðil, skapast eina "brúgv" og merkir hetta, at saðilin hvílir á 1 ella 2 punktum í staðin fyri á allari saðilspútuni.

3. Tyngdarpunktið skal vera mitt í saðilin - saðilin má iki liggja í framvekt ella bakvekt, soleiðis at hann trýstir hestin framman ella aftan og ryttarin situr skeivt.  

4. Liggur saðilin rætt aftanfyri økslunum, liggur búkreimin á bringubeininum eina hondsbreitt frá alboganum

5. Tryggjast skal at saðilin altíð passar hestinum, eisini tá hann broytast við árstíðunum ella aldrinum.