Villu hestarnir liva í turrum økjum og ferast nógvar kilometar dagliga. Tí slíta teir  hógvarnar til nattúrligan hógvform.

Tá hóvbeinið er parallelt við grundini er vinkulin á hárlinjuni 30 grader.

Távinkul á framhógvum skule vera 45 grader og á afturhógvum 55 grader.

Hetta kemur av, at hóvbeinið er brattari aftanfyri

Her á myndini sæst, hvussu hóvbeinið peikar móti jørðini, um hesturin hevur høgar hælar. 

Um hóvbeinið skal vera parallelt við grundini, eigur hælarhæddin at vera millum 1,9 - 3,7 cm an uppá støddina á hestinum.

Ov langir hælar kunnu vaksa fram og inn undir beinið. Hetta rópast undirtrektir hælar. Tað merkir, at vektberandi flatan ikki er á røttum staði. Reyða linjan vísir, hvar hælarnir eiga at vera.

Her sæst strálupútu og sóla innaní hógvinum. Strálupútan fyllir akkurát tveir triðingar.

Útgangspunktini í mapping av hógvinum eru Sólabreidd og Grundlinja. Hesi eru løtt at kenna og ávirkast ikki av, at hógvurin er yvirvaksin ella bronglutur.
GRUNDLINJAN er aftast á stráluni (blá vatnrætt linja)
SÒLABREIDD er breiðasti staðið mitt á sólanum (longsta reðya linjan).

Longdin frá Grundlinju til spískin á sólanum (blá steyrrætt linja), eigur at vera lík við Sólabreidd.

Her sæst omanfrá, hvussu mapping av hógvinum passar við deilunum innan í hógvinum.

GRUNDLINJAN (hvít linja) liggur aftast í hógvinum,

SPÌSKUR á sólan (hvít linja) er beint framman fyri tánna á hógvbeininum.

SÒLABREIDDIN (blá linja) er mitt ímillum grundlinja og sólaspísk. 

Hælir (drakthjørnir) skulu vera á linju við tí aftasta av stráluni. 

Av tí sólabreidd og -longd eiga at vera lík, kan ein cirkul teknast millum GRUNDLINJU,  SÒLABREIDD og SÒLASPÍSK.

Her á myndini sæst, hvussu bøði hóvveggur, sóli og strála kunnu vaksa ov langt í mun til innaru geometri í hógvinum.  Reyður sirkul vísur, hvussu langur (ella stuttur) sólin eigur at vera. Gul og hvít tekning vísa, hvussu strálupúta og hógvbein liggja í hógvinum.

Hjørnistúttar eiga at vaksa í beina linju framvið stráluni og enda umleið mit á stráluni.

Hvíta linjan (er ofta gul í mun til vatnlinjuna) eigur at vera ljós og smøl og hava samband við sóla og hóvvegg, sum á vinstru mynd.

Hóvbeinið er hálvmánaformaður. Í tvørskurði av hógvi frá síðuni, kann tað síggja út sum at tað peikar móti jørðini, men hetta er ti vit bara síggja ein part av tí.

Á myndini her sæst frá síðuni og aftanfrá tvørskurð av hógvinum og av pútunum (grøn tekning), sum er stoytdoyvari fyri øllum beininum. Pútan mitt í fyllir út tómrúminum í hálvmánaformaði hóvbeininum.

Myndir eru tiknar frá diasshow "Healthy hoofform slideshow" av Karen Reeves. Um tú vilt síggja diasshow (á enskum) trýst her
Myndir eru eisini tiknir frá bólkinum ABC-hoofcare á Facebook. Sheryl Henderson hevur skrivað eina bók um mapping av hógvinum og hvussu hetta kann hjálpa í hóvrøktini.